السردين بالارز

2963 مشاهدة آخر تحديث : السبت 26 أبريل 2014 - 10:51 صباحًا

السردين بالارز

المشاركة  وجدان كرياط  تقدم لكم السردين بالارز

اقرأ أيضا...

المقــادير :

– 1.5 كيلو سردين

– 2 كؤوس (عنبة ) أرز

– زيتون أخضر

– زيتون أسود

– فرماج حمر

– كاشيـــر

– حك صغير مطيشة

– الربيع

– الثوم

– الملح

– ملعقة صغيرة زبدة

– التوابل ( الابزار, السكنجبير, القرفة, خرقوم عرق , التحميرة …. )

– زيت الزيتون

– الحامض مصير ( مرقد )

=> يمكن اضافة الفلفل الاصفر والاحمر

الطريقة :

– نغسلو السردين مزيان و نحيدو ليه الأحشاء , ونديروه في شبكة باش ينشف

– نسلــــقــو الأرز ونديرو معاه الزبدة و ملي يتسلق نصفيوه

– نقطعو الربيع ونطحنو معاه الثوم ثم نضيفو ليه جميع الثوابل + الملح + 4 معالق كبار زيت الزيتون , ثم نقسمو هذا الخليط

بحيث النصف الأول نرقدو فيه السردين مزيان , والنصف الثاني نضيفو ليه مطيشة ديال الحك

– ناخدو النصف اللي درنا فيه مطيشة الحك و نضيفوه الى الأرز مع اضافة الحامض مصير ( قطع صغيرة) + كاشيــــر

( قطع صغيرة ) + الزيتون الأخضر و الأسود + فرماج حمر ( قطع صغيرة)

– ناخدو طاوة تقريبا القطر ديالها 25 سنتمتر ندهنوها بمطيشة الحك ثم نوضعو فيها السردين كما في الصورة

السردين بالارز

ثم نديرو الارز

السردين بالارز

و نغطيوه ب السردين

السردين بالارز

ثم ندخلوها الفران و بالصحة والراحة

أتمني أن تنـــــــــــــــــال اعجابكــــــــــم

  • وفي الاخير اتمنى منكم الضغط على لايك  جيم والتعليق ارائكم تهمني الله اجازيكم بالخير

المصدر :http://www.elhadga.com/?p=8548