طريقة تحضير كريب مذاقو غزال

5581 مشاهدة آخر تحديث : الإثنين 18 أبريل 2016 - 12:02 صباحًا

طريقة تحضير كريب مذاقو غزال

crepe

اقرأ أيضا...
الكريب مداق ديالو غزال متشبعوش منو ممكين تكلوه
بدون اي تزين اما الى زينتوه بشي حاجة خلاص كيجي هائل
حينت هوا اصلا منسم بحديتو،هذا الكريب من نهار جربتو اصبح معتمد عندي  كانعمرو بالكريم باتسيير بالشكلاط..غير هو كنت ديما كنزيد 1 الخمارة على المقادير اللي عندي.
نتمنى يعجبك نخليكم مع المقادير..
مقادير كريب مذاقو غزال من نهار جربتو عمرو خطاني :
 
150غ دقيق
4بيضات
2ملاعق ك نشا
2ملاعق ك سنيدة
3ملاعق زيت
كاس صغير حليب
كاس صغير معامرش ماء
ملعقة ك ماء زهر
 
طريقة تحضير كريب مذاقو غزال من نهار جربتو عمرو خطاني :
 
كنخلطو المواد الجافة كاملة دقيق +نشا +سنيدة مزيان
 
من بعد كنزيدو البيض او نخلط حتا يولي الخليط بحال ديال الكيك
 
منوقفوش نبقاو كنخلطو او نضيفو الحليب بشو بشوي + الماء نفس طريقة +ماء زهر
منين كنسليو كنغطوها اونخلوها ترتاح مدت ساعة او اكتر
 
من بعد مرتاحت كنبداو نطيبو فيهم حتا نسليوهم
 
و صلصة كلا واحد اوكيف كيعجبو
 
ولكين انا كيعجبني بهاد طريقة
كتشدي لكريم فريش(ممكن نعوضوه بالحليب أو دانون) +شكلاط دوبيهم في حمام مائي اوتخلطيهم
مزيان اوتزيني بيهم الكريب كيجيو يمي يمي غزالين نتمنا يعجبوكم راهم كيجو بنان.

المصدر :http://www.elhadga.com/?p=33594