الشباكية لرمضان و السر ديالها

20132 مشاهدة آخر تحديث : الخميس 14 أبريل 2016 - 1:59 صباحًا

الشباكية لرمضان و السر ديالها

الشباكية لرمضان و السر ديالها

اقرأ أيضا...
السلام عليكم 
كيفما كتشوفو حطيت الصور هم الاولين حيت ما صورتش المراحل لضيق الوقت
هاد الشباكية 
السر فهاد الطريقة هو اننا نبسسو الدقيق ديالنا بالدهون اللي غادي نستعملو فالشباكية بالليل و حتى الغد عاد نخدموها غادي نعطي المقادير
1 كيلو دقيق ممتاز ؛زلافة ديال الفينو ؛زلافة ديال الزنجلان يكون محمر غير شويييية مطحون مزييا ا ا ا ن و مغربل مزيان ؛ نصف زلافة ديال اللوز مصلوق و منقي و منشف مزيان و ماغاديش نقليوه لالآلالالا غادي نطحنوه خضر هدا سر ثاني حيت الشباكية غادي نقليوها ماكاين لاش نقليو اللوز المهم يتطحن مزيا ا ان و يتغربل ، كاس زيت بلدية خفيفة ؛ كاس زيت رومية ؛ كاس زبدة مذوبة ؛ 2 معالق كبار نافع ؛1 م ك حبة حلاوة؛ 1 م ص قرفة ؛م ك خل ؛زعفران حر ؛ مسكة حرة ؛ خرقوم ؛ شوية الكوزة ؛ شوية الملح؛ ماء الزهر تقريبا 2 كيسان ؛2 اصفر البيض ;معلقة صغيرة ديال خميرة ديال الحلوة و قبصة ديال خميرة معجونة
ندوزو للطريقة
غادي ناخدو الدقيق و الفينو نعملوه فالاناء اللي غادي نعجنو فيه نزيدو عليه الزيوت بجوج و الزبدة و معلقة ديال النافع نبسسوه بيدينا مزيان و نغطيوه حتى الغد
فالغد غادي نغربلوه مزيان نضيفو اللوز الزنجلان وحنا كنخلطو بيدينا نزيدو النافع القرفة حبةحلاوة ؛الملح الخميرة ديال الحلوة و الخميرة المعجونة ؛الملون الغدائي؛ البيض و حنا كنخلطو ثم الزعفران الحر المذوب فما الزهر و نجمعو العجينة
التتمة معروفة غدي نشبكوها و تقلى و تعسل

الشباكية لرمضان و السر ديالها

المصدر :http://www.elhadga.com/?p=33135