طريقة تحضير طورطة راقية

897 مشاهدة آخر تحديث : الثلاثاء 29 ديسمبر 2015 - 6:46 مساءً

طريقة تحضير طورطة راقية

طريقة تحضير طورطة راقية

اقرأ أيضا...

 اليوم جبت ليكم طورطة من الذ واروع الطورطات اللي جربت

4 بيضات+كاس سنيدة+كاس حليب+كاس ماعامرش زيت 1فاني+3خمارات+2ساشي كاكاو ايديال او كاكاو مر الدقيق عينيك ميزانك او ممكن ديرو اي كيكة شكلاط كتصدق ليكم

كنخلطو بحال الكيك العادي وكنزيد الطحين مع الخمارات مع الكاكاو مغربلين

وكنخلطو بالسبتول غير بشوية

كنخويو الخليط فمول دائري ودخلها للفرن مدة35د على درجة 180

ملي كطيب كنخرجها وكندير دائرة الوسط بلا مانوصل للحواشي وكنخويها من الوسط بحال الصورة

كندوز للحشوة:نص لتر حليب+فلان بالشكلاط وفلان عادي+3معالق ك سكر+معلقة ك نسكافيه مدوبة فشوية الماء+200غ قشدة طرية+نص داكشي اللي خوينا من الكيكة

كنصايبو الفلان عادي كندير الفتت اللي خوينا من الكيكة فكاس مولينكس وكنزيد عليه الفلان+نسكافيه ونطحن مزيان راه دغيا كيتطحن

كنزيد القشدة الطرية وكنعود الطحين

كنخوي الخليط اللي طحنا وسط الكيكة وندخلها تبرد للثلاجة

ندوزو للتزيين انا درت هاد الطريقة ممكن ديري اي طريقة تبغيها

كندوب شكلاط اسود مع دانون مسوس ومعلقة زبدة وكندهن بيه الحواشي د الكيكة واللي بقى كنزيدو على النص دالفتات اللي خوينا من الكيكة ونعجنوه مزيان ونديرو بيه كويرات صغار كندوزهم فالفرمسيل ونزوفق بيهم حواشي الكيكة

طريقة تحضير طورطة راقية طريقة تحضير طورطة راقية

نتمنى تعجبكم وتجربوها لانها كتجي راقية فالشكل وحتى فالمذاق داك الخليط ملي كيبرد كيجي فحال لاموس طريقة تحضير طورطة راقية طريقة تحضير طورطة راقية

المصدر :http://www.elhadga.com/?p=28694