حريشات هشاش و ساهلين للمبتدئات

1127 مشاهدة آخر تحديث : الإثنين 29 يونيو 2015 - 5:56 مساءً

حريشات هشاش و ساهلين للمبتدئات

حريشات هشاش و ساهلين للمبتدئات

اقرأ أيضا...

اليوم غادي نحط ليكم حريشات تيجو هشاش و زوينين ولى داقهم تيبغي يعرف الوصفة راني كنت سمعتها من الراديو هادي سنوات و طبقتها المقادير

نصف كيلو سميدة رقيقة ديال الحرشة كاس كبير حليب ما عمرش حتى الأخير غير مواجب خميرة ديال الحلويات فاني نصف كاس زيت نباتي 3 معلق سكر + شوية الملح غطاية دايرة ديال طاسة صغيرة او اى شيء يساعدك على عمل الشكل الطريقة اولا خصنا نضمو راسنا و نوجدو كولشي قبل المقلة فوق النار باش تسخن اباش غادي نهز الحرشة و فوق اش غادي نقرصها و باش غادي ندورها عاد نبدا التخلاط حيت السميدة دغيا تتنشف لدلك نخففو يدينا شويا و نركزو فقط مع الحرشة تنشدو السميدة و تنخلطوها مع الزيت مزيان يعني نبسبسوها و تناخدو منها قيمة نصف كاس عنبة فايت او بأصح تعبير ثلثين الكأس و نخليوه جانبا و نشدو الخميرة + فاني + الملح + السكر و نخلطو كلشي مزيان و نبداو نجمعو بالحليب وخا يبان ليكم بان الخليط جاري شوية ما تخفاوش راه السميدة دغية تتشرب و نبداو نديرو كرات صغار بيدينا و نحطوهم في طبسيل حتي نكملو راها تتخرج ما بين 11 او 12 لوحدة حسب الكرة الي تديري المرة الأولى راكي خاصك تصبري باش تتعلمي و من بعد عادي تجيك ساهلة تنشدو الغطاية ديال الطاسة و تندهنها بالزيت و منبعد تندردر شوية السميدة فوق القراطة و تندردر شوية اخر في الغطاية و تنضغط عل الكرة ديلنا و تنحرك يدي يمينا و شمالا و تنهز الغطاية إلا لصقات يكفي نضربها مع القراطة من الجانب و نرجع نحرك يدي باش تجي مقادة و نهزها بشي حاجة و نحطها في المقلة و خاصني نزرب شوية باش يطيبو كاميلين في نفس الوقت النار خاصها تكون متوسطة الى مهيلة باش ما تحرقش و خصنا نهزوها بشي سبتول عاد نقلبوها بيدنا ماشي نهزوها نيشان بيدينا لأنها تقدر تتفرتت لينا لأنها هشيشة بزاف راه كل وحدة تتعرف المقلة ديالها منين تطيب مزيان و منين تتحرق لدلك خاصك تبقاي دوري لحرشات و هما في بلاصتهم باش يجو مقادين في الطياب

حريشات هشاش و ساهلين للمبتدئات حريشات هشاش و ساهلين للمبتدئات

المصدر :http://www.elhadga.com/?p=20439