حلوة لاكريم بالخطوات المصورة

3002 مشاهدة آخر تحديث : الثلاثاء 17 سبتمبر 2013 - 12:21 مساءً

السلام عليكم و رحمة الله و بركاته
موقع الحادكة  يقدم حلوة لاكريم بالخطوات المصورة
مقادير و طريقة تحضير حلوة لاكريم بالخطوات المصورة
 
من الاخت ليلة ام سارة جزاها الله عنا كل خير
 
 
مقادير حلوة لاكريم
 
نحتاج للجنواز 
مقادير الجينواز لتحضير حلوة لاكريم
5 بيضات 
200 غرام سكر
300غرام دقيق
1 خمارة
كاس عنبة ماء دافئ
كاس عنبة زيت
2 معالق كبار بدرة كاكاو
 
طريقة تحضير الجينواز لتحضير حلوة لاكريم
نفصل البيض الاصفر على الابيض
نطرب اصفر البيض مع 150 غرام سكر ونضيف بمهل كاس الماء والزيت 
من بعد نزيد الدقيق للي خلطناه مع الكاكاو والخمارة بمهل 
من بعد نطرب ابيض البيض مع 50غرام من السكر وقبصة ديال الملح
لما يطلع مزيان ويوقف نزيدو بمهل للخليط الاول ونقلبه من الاسفل الى الاعلى بملعقة ديال العود
تم ندهنو الطاوة بقليل من الزيت ونفرش ليها ورق الزبدة وندخلها للفرن لمدة 10 دقايق او 15 دقيقة حسب الفرن 
ولكككككككككككككككن 
منحلوش عليها الفران تنحسو بيها انها طابت 
 
 
 
 
مقادير حشوة حلوة لاكريم
200 غرام شكلاط+70غرام زبدة 
كندوبهم ونحطهم على جنب 
ونطرب لتر من القشدة الطرية مع نص كاس سكر والسر باش تتطلع لاكريم مزيان وتبق واقفة هي اننا نعطوها اطول مدة في التطراب باش من بعد متنزلش لينا 
ونطربها في بانيو يكون يالله خارج من الفريكو 
من بعد نزيد الشكلاط على القشدة 
 
 
 
هنا بالنسبة لمقادير العجين غادين يخرجي 2 طاوات 
نقاديهم باش يجونا الجناب في المونطاج مقادين 
وكل قطعة نقسمها على 3 مستطيلات متساويين 
هنا ديرو شي حاجة عبرو بيها 
 
ونبداو في الحشو
ناخد صينية نفرشها بالالمنيوم 
ناخد القطعة الاولى ودائما الوجه ديال الجينواز للي كان منو للاطة هو للي يكون الفوق
نسقي القطعة الاولى بالسيرو 
وندير فوقها كمية من الكريما 
وندير فوقها القطعة التانية ونسقيها مزيان وندير فيها كمية من الكريما اكتر من الطبقة الاولى
والطبقة الاخير نعمل وجه الجينواز هو التحتايني 
نسقيه مزيان وندوز الكريما على كل القطعة
 
 
 
 
من بعد ندخلها للكونجيلاتور تتشد فراسها مزيان 
ونقطعها بالموس هنا سبب اننا ندخلوها للفريكو باش التقطاع يجينا مقاد وبحال ديال المحترفين 
 
داكشي لي بقا لينا من الكريمة نديروه فجيب الحلواني و نزوقو بيه و نزينو بحبيبات الشكلاط و العقيق
و طبعا لكم الاختيار في ذلك
و بالصحة و الراحة
 

 

اقرأ أيضا...

المصدر :http://www.elhadga.com/?p=1841