بالصور تحضير كريب مالح معمر وصفة أقل ما يقال عنها أنها رائعة

1632 مشاهدة آخر تحديث : الأربعاء 10 يونيو 2015 - 3:06 صباحًا

بالصور تحضير كريب مالح معمر وصفة أقل ما يقال عنها أنها رائعة

موضوع الأخت: أم أســامة و إيمــان جزاها الله كل خير

اقرأ أيضا...

وصفة الكريب مالح معمر

مصورتش المقادير والطريقة ولكن كلشي باين وسهل

مقادير الحشوة :

شوية الكفتة

شوية د الكروفيت

شريحتين أو أكثر الداند مدخن وممكن يتعوض بالمورتاديلا

أربع أو خمس أصابع من السوريمي

بصلة مشلضة

صلصة الطماطم

زيت بلدية

إبزار + سكنجبير + ملح + تحميرة + الحار إختياري

الطريقة : كنشحر البصلة فالزيت مع العطرية والملح حتى تدبال مزيان ونضيف الكفتة نفتتها مزيان حتى تطيب ونضيف الكروفيت منين يطيب نضيف صلصة الطماطم وباقي المكونات

نخلي الحشوة تبرد على ما نحضر الكريب

مقادير وطريقة الكريب :

فالعادة الكريب منين كنكون غادي نعملو مالح ومقلي كنعمل فبلاصة الحليب الماء

500 مل ماء

3 بيضات متوسطين أو 2 كبار

250 غ دقيق وعينك ميزانك مع الخليط حسب نوعية الدقيق

م ك زيت

ملح

رشة إبزار إختيارية

كنطرب السوائل فالخلاط ونبدى نضيف الدقيق ونطيب الكريب عادي

ونبدا نعمر كيف واضح فالصور وندوز الكريب فالبيض والشابليغ لي كنخلط معاه شوية د الدقيق وبعض المرات كنزيد معاه شوية د الزنجلان كيعطيه فالقلي طعم رائع

بالصور تحضير كريب مالح معمر وصفة أقل ما يقال عنها أنها رائعة 2 3 4 5 6 7 8 9 10 ملاحظة مهمة : منين نجيو نقليو الكريب خص يكون الزيت سخون مزيــــــــــــــان باش ميتفتحش الكريب والميتشربش الزيت

منين كنطيب الكريب في مقلة كبيرة طبعا غادي الحجم ديالو وهو معمر كبير شوية فكنقسمو على زوج وبصراحة هكا كيكون ساهل فالتوجاد وكيعمر الطبسيل مزيان إدا كانو عندك الضياف ههههههههههه

المصدر :http://www.elhadga.com/?p=18101