تحضير خلطة لترطيب الشعر الجاف و الخشن

4832 مشاهدة آخر تحديث : الإثنين 5 أغسطس 2013 - 1:22 صباحًا

كنقدم ليكم الحادكات خلطة لترطيب الشعر الجاف و الخشن  مجربة و مضمونة مئة بالمئة

 

اقرأ أيضا...

اولا كناخدو الزبدة العادية ما تكون ذايبة ماتكون قاصحة نفرقو الشعر و نبداو ندهنوه

بالزبدة خصلة بخصلة و نمشطو بالمشطة الرقيقة باش توصل الزبدة للشعر كلو

ماشي ندهنونه من الفوق و نقولو بلي مادارت لينا والو

ندهنو شعر مزيان كلو شعرة بشعرة كنأكد كيفما قلت بحال إلا بغينا نديرو ترطيبة

ثم نغطيو الشعر بالبوني او بلاستيكة و نخليو الزبدة نهار كلو

ثانيا في الليل قبل ما تنعسي خدي نصف لافوكا و الى كان شعرك قصير ممكن تحتاجي 

غير ربع الموهيم داك لافوكا خاصها تكون طايبة مزيان

و تزيدي عليها نصف كاس من زيت الزيتون و تبقاي تمعكي فيها

حتى تشرب لافوكا داك الزيت و تخلط مزيان صافي و ديريها على شعرك

خصلة خصلة من فوق الزبدة ة تأكدي بلي لافوكا وصلات

للشعر كلو و ديري البوني و نعسي

وفي الصباح غسلي شعرك و و نشفيه بالفوطة ودهنيه بالزيت

لي عندك و من الاحسن يكون زيت الزنجلان و دوري شعرك بالفولار

نصف ساعة و عاود دوريه للجهة الثانية و بقاي

دوري فيه حتى ينشف

و ردي عليا الخبار

 

المصدر :http://www.elhadga.com/?p=1598