بالصور تحضير طارط جلاصي للمناسبات والعراضات

594 مشاهدة آخر تحديث : الأربعاء 14 يناير 2015 - 5:12 صباحًا

مشاركة من الاخت : أم أســامة و إيمــان

اليوم إن شاء لله غادي نشوفو المراحل وخا راهم الصور ديال مرات متعددة لكن الصور باينة والطريقة راها ساهلة ماهلة والنتيجة غزالة بشهادة الجميع نتمنى حتى نتوما تجربوها وتعجبكم إن شاء لله

اقرأ أيضا...

مقادير الكراميل: كاس كريم سائل كنقصو من الكريم لي غادي نخفق وكاس صغير د السكر كندوب السكر حتى يولي كراميل نزيد عليه كريم فريش نغطيه ونخليه حتى يعاود يذوب السكر منين يذوب السكر نخليه معري وحد شوية ونطفي عليه ملي كيبرد كيتفتح لونو

بالصور تحضير طارط جلاصي للمناسبات والعراضات
بالصور تحضير طارط جلاصي للمناسبات والعراضات

مقادير الكريمة: 1 ليتر كريم فريش ( نقصنا منو كاس ) أنا كنستعمل holala ممكن تعملو أي كريم كتعجبكم المهم أنها تكون باردة مزيان ومطربة مزيان 1 علبة حليب مركز ومحلى النكهات : ممكن تعملي لي بغتي أنا هنا عملت

2 م ك عامرة برالين + شكلاط محكوك + 2 م ك نسكافي مذوبة فشوية حليب بارد ممكن تعملي 1 دانون بالنكهة لي بغيتي

لوز محمر ومهرمش الطريقة :كنطرب الكريم وهو بارد مزيااااان ونضيف عليه الحليب المركز ونعاود نطرب غير نتأكد أنهم تخلطو مزيان نوقف قسمت الخليط على 3 وضفت لواحد البرالين الثاني شكلاط محكوك الثالث 2 م ك نسكافي مذوبة فشوية حليب بارد

بالصور تحضير طارط جلاصي للمناسبات والعراضات
بالصور تحضير طارط جلاصي للمناسبات والعراضات

كنعمل طبقات فوق بعضياتهم ونحاول نضف الجناب باش منين نزول الإطار يكونو الطبقات باينين

ملاحظة : ضروري جدا يكون المول كيتفتح من الجناب 

بين كل طبقة ممكن تعمل شوية لوز والكراميل أنا هنا معملتش

بالصور تحضير طارط جلاصي للمناسبات والعراضات
بالصور تحضير طارط جلاصي للمناسبات والعراضات

منين نعمل الطبقة الأخير كيبقى ليك الإختيار ممكن تعمل رشة داللوز وعاد الكراميل وممكن تعمل غير الكراميل بوحدو 

وتزين حسب ذوقك ودخلها للكونجيلاتو تبات ليلة كاملة أو على الأقل 6 سعات حسب قوة المجمد المهم تجمد مزياااان

هنا كنت عاملة طبقة ديال اللوز والكراميل بين الطبقات وكانو غير طبقتين

بالصور تحضير طارط جلاصي للمناسبات والعراضات
بالصور تحضير طارط جلاصي للمناسبات والعراضات

شوفو إدا مخليتوهاش تجمد مزيان غادي يسيل الكراميل من الجناب أنا كنت خارجة بيها لعند اختي وتجبتها قبل الوقت

بالصور تحضير طارط جلاصي للمناسبات والعراضات
بالصور تحضير طارط جلاصي للمناسبات والعراضات

هنا عملتها على شكل قلب وكنت عاملة طبقة ديال الجينواز لتحت

بالصور تحضير طارط جلاصي للمناسبات والعراضات
بالصور تحضير طارط جلاصي للمناسبات والعراضات

المصدر :http://www.elhadga.com/?p=11794